បុគ្គលិកផ្នែកលក់ខាងក្រៅ (JCM Materials) - រាជធានីភ្នំពេញ ជាច្រើននាក់

I. សេចក្តីសង្ខេបនៃមុខតំណែង
ទទួលខុសត្រូវលើការអនុវត្តសកម្មភាពលក់ប្រចាំថ្ងៃ ដើម្បីសម្រេចបាននូវគោលដៅលក់របស់ក្រុមហ៊ុន តាមរយៈការស្វែងរកអតិថិជនថ្មី ថែរក្សាទំនាក់ទំនងជាមួយអតិថិជនចាស់ និងពង្រីកបណ្តាញចែកចាយទៅកាន់ ដេប៉ូ តំណាងចែកចាយ ហាងលក់គ្រឿងសំណង់ អ្នកម៉ៅការ និងគម្រោងសាងសង់ … នៅក្នុងតំបន់ទទួលខុសត្រូវ។

II. ភារកិច្ច និងការទទួលខុសត្រូវ
1. សម្រេចគោលដៅលក់
• សម្រេចផែនការលក់ប្រចាំខែ ត្រីមាស និងប្រចាំឆ្នាំដែលក្រុមហ៊ុនបានកំណត់
• លក់ផលិតផលរបស់ក្រុមហ៊ុនឱ្យបានតាមគោលដៅបរិមាណ និងប្រាក់ចំណូល
• រៀបចំ និងអនុវត្តផែនការលក់ប្រចាំថ្ងៃ ប្រចាំសប្តាហ៍ និងប្រចាំខែ
• តាមដានលទ្ធផលលក់ និងស្វែងរកដំណោះស្រាយបង្កើនការលក់ជាបន្តបន្ទាប់
• ផ្តល់របាយការណ៍លទ្ធផលលក់ជូនប្រធានក្រុមទាន់ពេលវេលា

2. ការស្វែងរក និងអភិវឌ្ឍអតិថិជនថ្មី
• ស្វែងរកអតិថិជនថ្មី និងឱកាសអាជីវកម្មថ្មីៗនៅក្នុងតំបន់ទទួលខុសត្រូវ
• បង្កើត និងពង្រីកបណ្តាញអតិថិជន ដូចជា៖ ដេប៉ូចែកចាយ ហាងលក់សម្ភារៈសំណង់ អ្នកម៉ៅការ ជាងសំណង់ ម្ចាស់គម្រោង អ្នកអភិវឌ្ឍអចលនទ្រព្យ ...។
• បង្កើនចំនួនអតិថិជនសកម្មជាប្រចាំ

3. ការគ្រប់គ្រង និងថែរក្សាអតិថិជន
• ថែរក្សា និងមានទំនាក់ទំនងមានវិជ្ជាជីវៈល្អជាមួយអតិថិជនដែលមានស្រាប់
• ចុះជួបអតិថិជនតាមផែនការដែលបានកំណត់
• សិក្សាតម្រូវការអតិថិជន និងផ្តល់ដំណោះស្រាយសមស្រប
• ដោះស្រាយបញ្ហា និងសំណូមពររបស់អតិថិជនទាន់ពេលវេលា
• បង្កើនអត្រារក្សាអតិថិជន និងជំរុញការបញ្ជាទិញ

4. ការពង្រីកទីផ្សារ និងការប្រកួតប្រជែង
• ប្រមូលព័ត៌មានទីផ្សារ និងសកម្មភាពរបស់ក្រុមហ៊ុនដៃគូប្រកួតប្រជែងក្នុងទីតាំងអតិថិជន
• តាមដានតម្លៃ ទំនិញថ្មី និងយុទ្ធសាស្ត្ររបស់ក្រុមហ៊ុនគូប្រកួតប្រជែង
• ផ្តល់ព័ត៌មានទីផ្សារជូនអ្នកគ្រប់គ្រងដើម្បីរៀបចំយុទ្ធសាស្ត្រលក់
• ស្វែងរកឱកាសថ្មីៗក្នុងការបង្កើនចំណែកទីផ្សារក្នុងតំបន់លក់

5. ការអនុវត្តសកម្មភាពទីផ្សារ និងជំរុញការលក់
• គ្រប់គ្រងសកម្មភាពទីផ្សារ ក្នុងការផ្សព្វផ្សាយ និងរៀបចំអនុវត្តកម្មវិធីជំរុញការលក់ ព្រមទាំងយុទ្ធសាស្ត្រទីផ្សារពាណិជ្ជកម្មឱ្យស្របតាមផែនការ និងគោលដៅរបស់ក្រុមហ៊ុនប្រកបដោយប្រសិទ្ធភាពខ្ពស់។
• ជួយរៀបចំព្រឹត្តិការណ៍ផ្សព្វផ្សាយផលិតផល និងកម្មវិធីជំរុញការលក់របស់ផ្នែកដែលពាក់ព័ន្ធ
• ត្រួតពិនិត្យ និងធានាការដាក់តាំងសម្ភារៈផ្សព្វផ្សាយនៅទីតាំងលក់មាន POSM ឱ្យបានត្រឹមត្រូវស្អាតមានរបៀប និងមានភាពទាក់ទាញខ្ពស់ស្របតាមស្តង់ដារក្រុមហ៊ុន។
• អនុវត្តសកម្មភាពផ្សេងៗដើម្បីជំរុញការយល់ដឹងអំពីម៉ាកសញ្ញារបស់ផលិតផលឱ្យកាន់តែទូលំទូលាយនៅលើទីផ្សារ។

6. ការតាមដានស្តុក និងការផ្គត់ផ្គង់
• តាមដានស្ថានភាពស្តុករបស់អតិថិជន ដេប៉ូ និងតំណាងចែកចាយ
• សហការជាមួយផ្នែកសហសាជីវកម្ម និងដឹកជញ្ជូនដើម្បីធានាការផ្គត់ផ្គង់ទាន់ពេល
• ជូនដំណឹងអំពីការខ្វះស្តុក ឬតម្រូវការពិសេសរបស់អតិថិជន

7. ការប្រមូលប្រាក់ និងគ្រប់គ្រងបំណុល
• តាមដានការប្រមូលប្រាក់ពីអតិថិជនឱ្យបានទាន់ពេលវេលា
• សហការជាមួយផ្នែកហិរញ្ញវត្ថុដើម្បីកាត់បន្ថយបំណុលហួសកាលកំណត់
• ធានាការអនុវត្តគោលនយោបាយឥណទានរបស់ក្រុមហ៊ុនបានត្រឹមត្រូវតាមនីតិវិធី

8. របាយការណ៍ និងការគ្រប់គ្រងទិន្នន័យ
• រៀបចំ និងចងក្រងរបាយការណ៍ហៅទូរស័ព្ទប្រចាំថ្ងៃ របាយការណ៍ប្រចាំសប្តាហ៍ និងរបាយការណ៍លក់ប្រចាំខែជូនថ្នាក់ដឹកនាំឱ្យបានទាន់ពេលវេលា។
• កត់ត្រាទិន្នន័យអតិថិជន និងសកម្មភាពលក់ឱ្យបានត្រឹមត្រូវ
• រាយការណ៍ព័ត៌មានទីផ្សារ និងសកម្មភាពគូប្រកួតប្រជែងជាប្រចាំ

9. ផ្សេងៗ
• បំពេញភារកិច្ចផ្សេងៗទៀតតាមការចាត់តាំងពីថ្នាក់គ្រប់គ្រង។
语言要求：English (Fair)