បុគ្គលិកផ្នែកលក់ខាងក្រៅ (ផ្នែកស៊ីម៉ង់ត៍ ស)

I. សេចក្តីសង្ខេបនៃមុខតំណែង
បុគ្គលិកផ្នែកលក់សាជីវកម្ម និងបណ្តាញចែកចាយ មានតួនាទីទទួលខុសត្រូវក្នុងការស្វែងរកអតិថិជនថ្មី ថែរក្សាទំនាក់ទំនងជាមួយអតិថិជនបច្ចុប្បន្ន ពង្រីកបណ្តាញចែកចាយ និងសម្រេចបាននូវគោលដៅលក់របស់ក្រុមហ៊ុន ទៅតាមតំបន់ដែលទទួលខុសត្រូវ។

មុខតំណែងនេះផ្តោតសំខាន់លើការលក់ផ្ទាល់ទៅកាន់ដេប៉ូ ហាងលក់សម្ភារៈសំណង់ តំណាងចែកចាយ អ្នកម៉ៅការ គម្រោងសំណង់ និងអតិថិជនសាជីវកម្ម ដើម្បីជំរុញការលក់ និងបង្កើនចំណែកទីផ្សារសម្រាប់ផលិតផល។

II. ភារកិច្ច និងការទទួលខុសត្រូវ
1. សម្រេចគោលដៅលក់
• សម្រេចគោលដៅលក់ប្រចាំថ្ងៃ ប្រចាំសប្តាហ៍ ប្រចាំខែ និងប្រចាំឆ្នាំ
• ជំរុញការលក់ផលិតផលគ្រប់ប្រភេទរបស់ក្រុមហ៊ុន
• បង្កើនចំនួនការបញ្ជាទិញ និងទំហំការលក់ពីអតិថិជន
• លក់ផលិតផលថ្មី និងផលិតផលយុទ្ធសាស្ត្ររបស់ក្រុមហ៊ុន
• អនុវត្តផែនការលក់តាមតំបន់ដែលបានកំណត់

2. អភិវឌ្ឍអតិថិជនថ្មី និងពង្រីកទីផ្សារ
• ស្វែងរក និងបង្កើតអតិថិជនថ្មីជាប្រចាំ
• ពង្រីកបណ្តាញដេប៉ូ អ្នកចែកចាយ និងហាងលក់សម្ភារៈសំណង់
• បង្កើនទំនាក់ទំនងមានវិជ្ជាជីវៈមានជាមួយអតិថិជនគោលដៅ
• ស្វែងរកឱកាសលក់ថ្មីៗក្នុងតំបន់ទទួលខុសត្រូវ
• បង្កើនការគ្របដណ្តប់ទីផ្សារ និងការគ្របដណ្តប់នៃបណ្តាញចែកចាយ

3. គ្រប់គ្រង និងថែរក្សាអតិថិជន
• ថែរក្សាទំនាក់ទំនងល្អជាមួយអតិថិជន
• ចុះជួបអតិថិជនតាមផែនការកំណត់
• ដោះស្រាយបញ្ហា និងសំណូមពររបស់អតិថិជនឱ្យបានទាន់ពេលវេលា
• ណែនាំអតិថិជនអំពីផលិតផល និងកម្មវិធីផ្សព្វផ្សាយផ្សេងៗ
• បង្កើនភាពស្មោះត្រង់ និងការទិញឡើងវិញរបស់អតិថិជន

4. អភិវឌ្ឍការលក់គម្រោង និងសហប្រតិបត្តិការ
• ស្វែងរកគម្រោងសំណង់ថ្មីៗ
• បង្កើតទំនាក់ទំនងជាមួយអ្នកម៉ៅការ អ្នកអភិវឌ្ឍន៍គម្រោង វិស្វករ និងស្ថាបត្យករ
• ណែនាំផលិតផលដែលសមស្របសម្រាប់គម្រោង
• សហការជាមួយផ្នែកបច្ចេកទសក្នុងការផ្តល់ដំណោះស្រាយបច្ចេកទេស
• តាមដានឱកាសលក់រហូតដល់ការបិទការលក់បានជោគជ័យ

5. អនុវត្តសកម្មភាពទីផ្សារ
• អនុវត្តកម្មវិធីផ្សព្វផ្សាយ និងជំរុញការលក់
• ត្រួតពិនិត្យការដាក់តាំងផលិតផល និងសម្ភារៈផ្សព្វផ្សាយ
• ផ្តល់មតិយោបល់អំពីស្ថានភាពទីផ្សារ និងតម្រូវការអតិថិជន
• សហការជាមួយក្រុមការងារទីផ្សារក្នុងការអនុវត្តយុទ្ធនាការផ្សព្វផ្សាយ និងកម្មវិធីលើកទឹកចិត្តការលក់

6. គ្រប់គ្រងការប្រមូលប្រាក់
• តាមដានការទូទាត់ប្រាក់របស់អតិថិជន
• ប្រមូលប្រាក់តាមកាលកំណត់ដែលបានព្រមព្រៀង
• កាត់បន្ថយបំណុលហួសកាលកំណត់
• អនុវត្តតាមគោលនយោបាយឥណទានរបស់ក្រុមហ៊ុន

7. សិក្សាទីផ្សារ និងគូប្រកួតប្រជែង
• ប្រមូលព័ត៌មានអំពីសកម្មភាពគូប្រកួតប្រជែង
• តាមដានតម្លៃ ផលិតផលថ្មី និងយុទ្ធសាស្ត្រលក់របស់គូប្រកួត
• រាយការណ៍ព័ត៌មានទីផ្សារជូនថ្នាក់ដឹកនាំ
• ផ្តល់អនុសាសន៍សម្រាប់ការពង្រីកទីផ្សារ និងបង្កើនការលក់

8. របាយការណ៍ និងការគ្រប់គ្រងទិន្នន័យ
• រៀបចំ និងចងក្រងរបាយការណ៍ហៅទូរស័ព្ទប្រចាំថ្ងៃ របាយការណ៍ប្រចាំសប្តាហ៍ និងរបាយការណ៍លក់ប្រចាំខែ ជូនថ្នាក់ដឹកនាំឱ្យបានទាន់ពេលវេលា។
• កត់ត្រាសកម្មភាពអតិថិជន និងឱកាសលក់
• រាយការណ៍ព័ត៌មានទីផ្សារ និងសកម្មភាពគូប្រកួតប្រជែងជាប្រចាំ

9. ផ្សេងៗ
• បំពេញភារកិច្ចផ្សេងៗទៀតតាមការចាត់តាំងពីថ្នាក់គ្រប់គ្រង។
语言要求：English (Fair)