Store Supervisor (ហាងកាហ្វេ)

1. ការគ្រប់គ្រងប្រតិបត្តិការក្នុងហាង
-គ្រប់គ្រង និងត្រួតពិនិត្យប្រតិបត្តិការប្រចាំថ្ងៃរបស់ហាង។
-រៀបចំ ត្រួតពិនិត្យការបើក និងបិទហាងតាមតាមម៉ោង និងនីតិវិធីដែលបានកំណត់។
-ត្រួតពិនិត្យការរៀបចំហាង ធ្នើទំនិញ កន្លែងគិតលុយ និងបរិវេណក្រៅ/ក្នុងហាង ធានាអោយមានអនាម័យ សណ្តាប់ធ្នាប់ សុវត្ថិភាព និងមានភាពទាក់ទាញ។
-ត្រួតពិនិត្យ និងដោះស្រាយបញ្ហាប្រតិបត្តិការដែលកើតឡើងប្រចាំថ្ងៃ។

2. ការលក់ និងសេវាកម្មអតិថិជន
-ទទួលខុសត្រូវលើការសម្រេចគោលដៅផែនការលក់របស់ហាង។
-តាមដាន និងពិនិត្យលទ្ធផលការលក់ប្រចាំថ្ងៃ ប្រចាំសប្តាហ៍ និងប្រចាំខែ។
-ត្រួតពិនិត្យឱ្យបុគ្គលិកផ្តល់សេវាដល់អតិថិជនដោយសុជីវធម៌ រួសរាយរាក់ទាក់ ដោះស្រាយការតវ៉ា សំណូមពរ និងបញ្ហារបស់អតិថិជនឱ្យបានទាន់ពេលវេលា។

3. ការគ្រប់គ្រងទំនិញក្នុងស្តុក
-ត្រួតពិនិត្យការទទួលទំនិញ ការបញ្ចូលទំនិញ និងការចេញទំនិញពីស្តុក។
-រៀបចំ និងតាមដានការរាប់ស្តុកជាប្រចាំ។ ត្រួតពិនិត្យ ករណីមានភាពខុសគ្នារវាងចំនួនទំនិញក្នុងប្រព័ន្ធ និងចំនួនទំនិញជាក់ស្តែង។
-ធានាឱ្យការរាប់ស្តុក និងការកត់ត្រាទំនិញមានភាពត្រឹមត្រូវ។

4. ការគ្រប់គ្រងសាច់ប្រាក់ និងហិរញ្ញវត្ថុ
-ត្រួតពិនិត្យការងាររបស់អ្នកគិតប្រាក់ និងការប្រមូលសាច់ប្រាក់ប្រចាំថ្ងៃ។
-ត្រួតពិនិត្យការបិទបញ្ជីសាច់ប្រាក់ប្រចាំថ្ងៃ។
-ត្រួតពិនិត្យ និងរាយការណ៍ករណីសាច់ប្រាក់ខ្វះ ឬលើស។
-រាយការណ៍ជាបន្ទាន់ចំពោះករណីសង្ស័យ ឬភាពមិនប្រក្រតីពាក់ព័ន្ធនឹងសាច់ប្រាក់។

5. ការគ្រប់គ្រងបុគ្គលិក
-រៀបចំកាលវិភាគការងារ និងវេនការងាររបស់បុគ្គលិក និងដាក់ជូននាយកផ្នែកអនុម័ត្ត រួចបញ្ជូនទៅផ្នែក C&B នៅរៀងរាល់សប្តាហ៍ទី4នៃខែ ដើម្បីកំណត់ការអនុវត្តការងារនៅខែបន្ទាប់។
-ចែកចាត់ភារកិច្ច និងតួនាទីការងារឱ្យបុគ្គលិកតាមតម្រូវការប្រតិបត្តិការ និងតាមដានលទ្ធផលការងារ វាស់វែងលទ្ធផលការងាររបស់បុគ្គលិក ដោះស្រាយបញ្ហាវិន័យ និងបញ្ហាការងាររបស់បុគ្គលិកតាមបទបញ្ជារបស់ក្រុមហ៊ុន។

6. ការរាយការណ៍ និងត្រួតពិនិត្យ
-រៀបចំរបាយការណ៍ប្រតិបត្តិការហាងប្រចាំថ្ងៃ។
-រាយការណ៍អំពីលទ្ធផលការលក់ប្រចាំថ្ងៃ ប្រចាំសប្តាហ៍ និងប្រចាំខែ។
-រាយការណ៍អំពីទំនិញខូចខាត បាត់បង់ ផុតកំណត់ និងបញ្ហាផ្សេងៗ។
-ផ្តល់សំណើ និងយោបល់សម្រាប់កែលម្អការលក់ សេវាកម្ម ការគ្រប់គ្រងស្តុក និងប្រតិបត្តិការរបស់ហាង អនុវត្តភារកិច្ចផ្សេងៗទៀតដែលពាក់ព័ន្ធនឹងការគ្រប់គ្រងហាង តាមការចាត់តាំងរបស់ថ្នាក់ដឹកនាំ។

7. ការអនុវត្តការផ្សេងៗតាមការចាត់ចែង
-អនុវត្តការងារផ្សេងៗដែលពាក់ព័ន្ធតាមការណែនាំរបស់អ្នកគ្រប់គ្រង និងSOP របស់ក្រុមហ៊ុន។


语言要求：English (Good)