Sales Supervisor (ផ្នែកស៊ីម៉ង់ត៍ ស)

I. សេចក្តីសង្ខេបនៃមុខតំណែង
ប្រធានក្រុមផ្នែកលក់សាជីវកម្ម និងបណ្តាញចែកចាយ មានតួនាទីទទួលខុសត្រូវក្នុងការដឹកនាំ គាំទ្រ បណ្តុះបណ្តាល និងតាមដានការអនុវត្តការងាររបស់ក្រុមផ្នែកលក់ ដើម្បីសម្រេចបាននូវគោលដៅលក់ ការពង្រីកបណ្តាញអតិថិជន ការពង្រឹងការគ្របដណ្តប់ទីផ្សារ និងកំណើនប្រាក់ចំណូលរបស់ក្រុមហ៊ុន។
មុខតំណែងនេះផ្តោតសំខាន់លើការចុះបំពេញការងារវាលផ្ទាល់ជាមួយក្រុមការងារ ការអភិវឌ្ឍទីផ្សារអតិថិជនថ្មី ការថែរក្សាទំនាក់ទំនងជាមួយអតិថិជនបច្ចុប្បន្ន និងការជម្រុញការលក់ផលិតផលគ្រប់ប្រភេទរបស់ក្រុមហ៊ុន។

II. ភារកិច្ច និងការទទួលខុសត្រូវ
1. ដឹកនាំ និងគាំទ្រក្រុមផ្នែកលក់សាជីវកម្ម និងបណ្តាញចែកចាយ
• គ្រប់គ្រង និងតាមដានការងារប្រចាំថ្ងៃរបស់ផ្នែកលក់សាជីវកម្ម និងបណ្តាញចែកចាយ
• ចុះទីផ្សារជួយបុគ្គលិកផ្នែកលក់សាជីវកម្ម និងបណ្តាញចែកចាយ ដើម្បីគាំទ្រការលក់ និងបិទការលក់
• ផ្តល់ការណែនាំ ការបណ្តុះបណ្តាល និងការអភិវឌ្ឍជំនាញលក់
• កំណត់ផែនការការងារប្រចាំសប្តាហ៍ និងប្រចាំខែសម្រាប់ក្រុមការងារ
• ត្រួតពិនិត្យ និងវាយតម្លៃសមិទ្ធផលការងាររបស់បុគ្គលិកផ្នែកលក់សាជីវកម្ម និងបណ្តាញចែកចាយ
• ដោះស្រាយបញ្ហាដែលកើតឡើងនៅទីផ្សារ និងជួយសម្រួលដល់ការងារលក់

2. សម្រេចគោលដៅលក់
• ដឹកនាំក្រុមការងារដើម្បីសម្រេចគោលដៅលក់ប្រចាំខែ ត្រីមាស និងប្រចាំឆ្នាំ
• ជំរុញការលក់គ្រប់ប្រភេទផលិតផលរបស់ក្រុមហ៊ុន
• តាមដានលទ្ធផលលក់តាមតំបន់ អតិថិជន និងប្រភេទផលិតផល
• រៀបចំផែនការកែលម្អនៅពេលលទ្ធផលលក់មិនទាន់សម្រេចតាមគោលដៅ
• ជំរុញការលក់ផលិតផលថ្មី និងផលិតផលយុទ្ធសាស្ត្រ

3. អភិវឌ្ឍបណ្តាញអតិថិជន និងដេប៉ូ
• ស្វែងរក និងអភិវឌ្ឍអតិថិជនថ្មី
• ពង្រីកបណ្តាញដេប៉ូ ហាងលក់សម្ភារៈសំណង់ និងអ្នកចែកចាយ
• ថែរក្សាទំនាក់ទំនងល្អជាមួយអតិថិជនសំខាន់ៗ
• ដើម្បីជម្រុញចំនួន អតិថិជនដែលមានសកម្មភាពទិញទៀងទាត់ និង តំណាងចែកចាយសកម្ម
• ពង្រីក ការគ្របដណ្តប់ទីផ្សារ ឱ្យមានប្រសិទ្ធភាពខ្ពស់ ដោយបោះបង់របៀបលក់បែបអសកម្ម (ចាំតែម៉ូយហៅ) ហើយងាកមកប្រើប្រាស់យុទ្ធសាស្ត្រវាយលុកទីផ្សារជាប្រព័ន្ធវិញ។

4. គ្រប់គ្រងទីផ្សារ និងសកម្មភាពប្រកួតប្រជែង
• ប្រមូលព័ត៌មានទីផ្សារ និងសកម្មភាពគូប្រកួតប្រជែង
• រាយការណ៍អំពីតម្លៃ ផលិតផលថ្មី និងយុទ្ធសាស្ត្ររបស់ដៃគូប្រកួតប្រជែង
• ផ្តល់អនុសាសន៍សម្រាប់ការកែលម្អយុទ្ធសាស្ត្រលក់
• ស្វែងរកឱកាសថ្មីៗសម្រាប់ការពង្រីកទីផ្សារ

5. គាំទ្រការលក់គម្រោង និងកិច្ចសហប្រតិបត្តិការ
• គាំទ្រក្រុមការងារក្នុងការស្វែងរកគម្រោងសំណង់ថ្មីៗ
• បង្កើតទំនាក់ទំនងជាមួយអ្នកម៉ៅការ អ្នកអភិវឌ្ឍន៍ អ្នកប្រឹក្សាបច្ចេកទេស និងម្ចាស់គម្រោង
• សហការជាមួយផ្នែកបច្ចេកទសសក្នុងការផ្តល់ដំណោះស្រាយផលិតផល
• ការតាមដាន ស្ថានភាពលំហូរគម្រោង និងឱកាសលក់

7. គ្រប់គ្រងការប្រមូលប្រាក់
• តាមដានការប្រមូលប្រាក់ពីអតិថិជន
• កាត់បន្ថយបំណុលហួសកាលកំណត់
• ធានាការអនុវត្តតាមគោលនយោបាយឥណទានរបស់ក្រុមហ៊ុន
• សហការជាមួយផ្នែកហិរញ្ញវត្ថុ ដើម្បីជួយគ្រប់គ្រងលើការគ្រប់គ្រងគណនេយ្យចំណូល

8. សហការជាមួយផ្នែកពាក់ព័ន្ធ
• សហការជាមួយផ្នែកទីផ្សារលើកម្មវិធីផ្សព្វផ្សាយ និងជំរុញការលក់
• សហការជាមួយផ្នែកខ្សែសង្វាក់ផ្គត់ផ្គង់ដើម្បីធានាថាមានស្តុកគ្រប់គ្រាន់
• សហការជាមួយផ្នែកបច្ចេកទេស និងអភិវឌ្ឍន៍ផលិតផលក្នុងការគាំទ្រផ្នែកបច្ចេកទេស
• សហការជាមួយផ្នែកធនធានមនុស្សក្នុងការអភិវឌ្ឍសមត្ថភាពអាជីពការងាររបស់បុគ្គលិក

9. របាយការណ៍ និងវិភាគលទ្ធផលលក់
• រៀបចំរបាយការណ៍លក់ប្រចាំថ្ងៃ សប្តាហ៍ និងខែ
• វិភាគលទ្ធផលលក់ និងកំណត់ចំណុចដែលត្រូវកែលម្អ
• ការតាមដានសូចនាករវាស់វែងលទ្ធផលការងារគន្លឹះ របស់ក្រុមការងារលក់ និងពាណិជ្ជកម្ម
• ផ្តល់អនុសាសន៍ដល់ថ្នាក់គ្រប់គ្រងសម្រាប់ការលូតលាស់អាជីវកម្ម

9. ផ្សេងៗ
• បំពេញភារកិច្ចផ្សេងៗទៀតតាមការចាត់តាំងពីថ្នាក់គ្រប់គ្រង។
语言要求：English (Fair)