បុគ្គលិកឃ្លាំង

ការគ្រប់គ្រងប្រតិបត្តិការទំនិញចូល៖
• យល់ដឹងពីទិដ្ឋភាពទូទៅនៃនីតិវិធីប្រតិបត្តិការស្តង់ដារ (SOP) សម្រាប់ដំណើរការទំនិញចូល។
• លើកទំនិញចុះ និងត្រួតពិនិត្យទំនិញ ផ្ទៀងផ្ទាត់ជាមួយឯកសារ។
• បែងចែក និងពិនិត្យទំនិញចូលក្រែងមានការខូចខាត ឬខុសប្រក្រតីណាមួយ រួចរាយការណ៍ទៅកាន់ប្រធានផ្នែក ឬអ្នកគ្រប់គ្រង។
• បិទស្លាកសញ្ញា (Label) លើផលិតផលតាមតម្រូវការរបស់អតិថិជន ឬប្រព័ន្ធគ្រប់គ្រងឃ្លាំង (WMS)។
• បន្លាស់ទីទំនិញទៅរក្សាទុកនៅទីតាំងដែលបានកំណត់។
ការគ្រប់គ្រងស្តុកប្រចាំថ្ងៃ៖
• បញ្ចេញទំនិញផ្អែកលើវិធីសាស្ត្រ FIFO (ទំនិញចូលមុនចេញមុន) ឬ FEFO (ទំនិញផុតកំណត់មុនចេញមុន)។
• រៀបចំស្តុកទៅតាមវិធីសាស្ត្រ FIFO ឬ FEFO តាមតម្រូវការរបស់អតិថិជន។
• ដាក់ទំនិញតាមប្រភេទឬម៉ូដែលទំនិញនៅក្នុងតំបន់ផ្ទុក។
• រៀបចំដំណើរការផ្លាស់ប្តូរទីតាំងទំនិញតាមតម្រូវការចាំបាច់។
• ជួយជម្រុញការរាប់ស្តុក និងធ្វើកំណត់ត្រាជូនមន្ត្រីគ្រប់គ្រង ឬប្រធានក្រុមតាមតម្រូវការ។
• ចូលរួមក្នុងដំណើរការរាប់ស្តុកជាមួយអតិថិជនតាមការចាំបាច់។
• ធ្វើប្រតិបត្តិការលើប្រព័ន្ធ WMS សម្រាប់ដំណើរការទំនិញចូល និងទំនិញចេញ តាមការណែនាំពីប្រធានផ្នែក ឬអ្នកគ្រប់គ្រង។

ការគ្រប់គ្រងប្រតិបត្តិការទំនិញចេញ៖
• យល់ដឹងពីទិដ្ឋភាពទូទៅនៃនីតិវិធីប្រតិបត្តិការស្តង់ដារ (SOP) សម្រាប់ដំណើរការទំនិញចេញ។
• ជួយក្នុងដំណើរការរើសទំនិញ (Picking)។
• ជួយក្នុងដំណើរការវេចខ្ចប់ (Packing) តាមតម្រូវការ។
• ជួយផ្ទៀងផ្ទាត់ទំនិញដើម្បីធានាថាមិនមានការខុសឆ្គង ឬខូចខាត មុនពេលលើកទំនិញឡើងឡាន។
• ជួយក្នុងដំណើរការលើកទំនិញឡើងឡាន (Loading)។

ការថែទាំ និងសម្អាតឃ្លាំង៖
• រក្សាបរិស្ថានការងារឱ្យមានភាពស្អាតស្អំ មានសណ្តាប់ធ្នាប់ និងមានសុវត្ថិភាព ដោយសម្អាតតំបន់ធ្វើការ និងរក្សាផ្លូវដើរមិនឱ្យមានការរារាំង។
• ប្រើប្រាស់ឧបករណ៍ឃ្លាំងដូចជា ឡានស្ទូច (Forklift), ផាលេត (Pallets), និងប្រដាប់អូសទំនិញ (Hand lift) ដើម្បីផ្លាស់ទីទំនិញដោយសុវត្ថិភាព។
• ប្រតិបត្តិការគ្រឿងចក្រក្នុងឃ្លាំងឱ្យស្របទៅតាមគោលការណ៍ណែនាំអំពីសុវត្ថិភាព។
• គោរពតាម និងប្រើប្រាស់ឯកសណ្ឋានសុវត្ថិភាពឱ្យបានត្រឹមត្រូវ ដូចជា មួកសុវត្ថិភាព, អាវកាក់, ស្បែកជើងសុវត្ថិភាព...។ល។
• រាយការណ៍ពីស្ថានភាពមិនមានសុវត្ថិភាព គ្រោះថ្នាក់ ឬការរបួសផ្សេងៗជាបន្ទាន់ទៅកាន់ប្រធានផ្នែក អ្នកគ្រប់គ្រង ឬប្រធានក្រុម។

ការសហការជាក្រុម៖
• ធ្វើការជាផ្នែកមួយនៃក្រុម ដើម្បីធានាឱ្យប្រតិបត្តិការឃ្លាំងមានប្រសិទ្ធភាព។
• ប្រាស្រ័យទាក់ទងជាមួយប្រធានផ្នែក និងបុគ្គលិកផ្សេងទៀត ដើម្បីដោះស្រាយបញ្ហា ឬការបារម្ភ
ផ្សេងៗ។
• ភារកិច្ចផ្សេងទៀតដែលត្រូវបានចាត់តាំងដោយមន្ត្រីគ្រប់គ្រង និងប្រធានក្រុម។

语言要求：English (Good)